Daja: Kemi bërë një ndeshje perfekte

09:29 | 12 Korrik 2023
K.B

Trajneri i Ballkanit, Ilir Daja është shprehur i lumtur me fitoren dhe paraqitjen e të besuarve të tij në duel me Ludogorets.

Kampioni i Kosovës mbrëmë mundi kampionin e Bullgarisë (2-0) në “Fadil Vokrri” në ndeshjen e parë kualifikuese në Ligën e Kampionëve.

Strategu shqiptar pas ndeshjes tha se skuadra e tij bëri një ndeshje perfekte.

“Kemi bërë një pjesë të parë perfekte, me sa mbaj mend skuadra kundërshtare nuk kishte asnjë shans. Kemi luajtur shumë mirë. Natyrshëm se me pesë ndërrimet ramë pak fizikisht, por këta djemë nuk dorëzohen kurrë, kanë një karakter të madh. Nuk është e paktë që në 70% të lojës të jesh mbi kundërshtarin”, tha Daja.

Ndeshja e kthimit zhvillohet të mërkurën e ardhshme në stadiumin “Huverpharma Arena”./rtk

Shpërndaje në rrjete sociale

Lajmet më të lexuara

Të ngjashme

Foto lajm